影星陳惠敏月頭與相伴五十車嘅吳國英入紙注冊結婚，二人育有兩子一女，佢視女陳鳳儀（Didi）為掌上明珠，更曾打本開戲畀佢演出。但近日妻子同女兒涉嫌普通襲擊同刑事毀壞被捕。
據知，向來重視屋企人嘅Didi同阿爸感情好，以佢為偶像，陳惠敏患病期間，佢寸步不離，陪食飯、唱K，又陪佢睇醫生，給予極大支持。日前為慶祝阿媽生日兼父母新婚，佢送埋有父母造型嘅搪膠公仔蛋糕，好有心思。
不過，陳惠敏抗病（肺癌）期間，疑畀人利用向其朋友借錢，令Didi嬲爆，不惜代父發宣告，指責有人系老千同騙子，又貼出短訊截圖做證；
而陳惠敏亦報警，稱唔想再有朋友畀人呃。事后，一個游姓男子唔認佢同單嘢有關，又突然間現身警署報案。
有消息指，Didi個幾月前同阿媽登門搵游先生理論，欲攞翻公道，期間呢，有人疑出手摑對方，然后離開上址。直至本月頭，游姓男子先到警署報稱遭兩名女子掌摑，與及寓所花樽被毀，事后，陳鳳儀涉嫌普通襲擊同刑事毀壞被捕。
而據警方發言人表示，9月11日接到一名三十幾呀歲男子報案，并拘捕一名46歲陳氏女子同一個65歲吳姓女子，二人獲準保釋候查，10月中再向警方報到。對于游先生稱畀打一事，陳惠敏表示不作回應。
記者聯絡到游先生，佢承認曾遭掌摑：「關於有人去我屋企打我呢件事，系真系有，至於入面牽涉啲乜嘢呢！我有曬證據，但交曬畀差佬。」另外，佢唔認佢陳鳳儀較早前喺社交網對佢指控，又稱單嘢并非單純保護老豆咁簡單：「我相信佢哋系畀有心人士利用，希望大家快啲澄清誤會，可以繼續做好朋友。」
不過話時話，呢位游恩杰系最后一位以陳惠敏門生自居，喺出邊吹吹打打，今年以來更加系大膽到私自打著陳惠敏嘅名義，向多位娛樂圈同商界大佬借錢或者集資，導致近期陳惠敏接到好多電話，都系同佢問起錢嘅事，呢已經嚴重觸犯到陳惠敏嘅底線。
據悉，陳惠敏喺9月11日發出聲明之后，又于9月12號喺14K開香堂舉行上表儀式，已正式將門生游恩杰逐出14K洪發山門下。
