成龍拍戲出名博嘅，今次拍新戲差D備浸死。由成龍主演新戲《急先鋒》本於農曆新年時在內地上映，但亦因疫情關係延至9月底，最近成龍接受訪問時，就自爆拍時差點被浸死。
駕住快艇嘅成龍載住女主角母其彌雅，連人帶艇撞到海中嘅大石后快艇連隨翻側，而成龍同女主亦雙雙跌落水！
兩個人落水后，只見到快手已浮上嘅女主一面茫然，過幾秒之后佢即捉實快艇控制桿，但同樣跌落水嘅成龍就不知所蹤，此時喺附近備嘅救援人員，亦連隨趕去，喺快艇另一邊搵翻成龍。
對于差啲畀浸死，成龍憶述話：「船一翻把我吸到水底，我嘅經驗就系嗰個急流將我一吸嘅時候，我同自己講『唔好驚』，我都唔記得咗個情況，好似有神助一樣，我慢慢起身推住個船推推推。」
成龍又指自己當時唔知跌落水有幾耐，上水時只見到導演唐季禮擔心到喊：
「唐季禮喺上面急得流眼淚，所有啲服裝都喺喊，我喺上面，就見到唐季禮（叫）『佢（成龍系咪喺嗰邊』我話做甚麼？佢話你消失好耐，大概45秒。」只見畀救起后成龍就笑笑口，向現場人員講述事發經過。
