自从周揚青與羅志祥（小豬）結束9年情，網民不斷留言鬧爆小豬嘅賤男行為。還翻舊賬，爆出當年好兄弟歐弟喺服兵役之前，將女友Makiyo交托小豬照顧，最後Makiyo竟然做咗小豬嘅女友，之後兄弟反面各行各路。
當年小豬與歐弟嘅組合叫「羅密歐」，其后轉戰綜藝節目并拜胡瓜為師，喺1998年主持《少年兵團》出名。
直到2002年，因為歐弟要服兵役，咪將Makiyo交付畀小豬照顧，遭到女友嘅背叛同兄弟嘅出賣。歐弟情緒大受困擾，有傳歐弟曾割腕自盡。
后尾歐弟都喺吳宗憲嘅節目上談及呢件事，透露當時將女友托付畀「最好嘅朋友」，入伍后多次喺軍營度打電話畀女友，但一直聯絡唔上，個幾月之后，女友喺電話度提出分手并說：「我要多謝你，因為你揾咗個好會照顧我嘅人，嚟照顧我。」
另外，有網民話歐弟Like咗羅志祥新聞下「嗰個渣男已經畀懲罰」、「當年嘅仇已經報咗」、「唔系唔報時候未到」留言。對此，歐弟透過經紀Amigo表示，大家而家都過得好好，祝小豬幸福，佢毎日忙住湊仔，冇時間去按贊。
