年初一傳嚟悲痛嘅消息，一代宗師葉問次子葉正，年初一晚喺法國病逝，享年83歲。香港媒體向葉正大佬葉準求證，葉準話：「佢尋晚11:00行，喺法國醫院，佢老婆同啲仔女處理緊，我哋都喺等消息。”同時，葉準表示葉正病咗好耐。香港詠春體育會主席李煜昌喺社交平臺悼念葉正師傅。
一代宗師詠春師傅葉問一共有三子兩女，長子系葉準，葉正系二仔，佢7歲就跟隨老豆學習詠春，1949年葉問前往香港，葉正同阿媽張永成、哥哥葉準繼續留喺佛山，直到1962年葉正隨葉準前往香港。
葉正呢個人物，睇《葉問》電影系列嘅觀眾都唔會生暴，呢個人物曾喺甄子丹主演嘅《葉問》電影系列出現，《葉問3》由王實飾演，《葉問4》由葉禾飾演。
有傳聞稱，葉正對于葉問一個人嚟香港時對屋企闊佬懶理，與一位上海女子相好并育有一個野仔相當唔諒解。因此，葉正同阿爸好少交流互動，兩人都系附近武館嘅助教，喺香港時都經常朝早出門口做嘢，晚先返入去。
1972年葉問逝世后，葉正正式離開葉問武館，喺香港開設工廠，并喺私下教人詠春。1994年，葉正退休后，開始喺詠春體育會開國術班教學，同時葉正仲成日去教授詠春。
一代宗師詠春大師葉問生于1893年，本名葉繼問，鄉下系喺廣東佛山。佢身材唔高，光頭舉止斯文，從不大聲講嘢，而且屋企相當有錢。
因為自細就閑不住，鐘意學武，所以老豆將佢送去詠春大師陳華順度學武，陳華順嗰陣本來已經唔收徒弟，但系見到葉問嘅資質好，決定收佢為關門弟子。不過冇過幾年陳華順就病逝咗，不過佢喺病逝前叫自己嘅大徒弟要好好教導葉問，嗰陣時嘅葉問至10來歲。
喺《葉問2》中，佢有一句臺詞系：“世上冇驚老婆嘅男人，凈系得尊重老婆嘅男人。”其實喺真相生活中，葉問同太太張永成都系好恩愛，兩人相敬如賓從來冇嘈過的。
張永成系晚清重臣之后，家境富裕，嫻熟得體，與葉問結婚之后感情好好，兩人生活美滿，有七個啲仔女，最后夭折咗三個，剩低兩兒兩女。
根據葉準講述，阿媽張永成嘅身材樣貌都好，氣質好又有文化，所以葉問對自己嘅老婆，都好嘅信任。可惜兩個人好日子結束喺日軍侵華，日軍占領佛山之后，葉問嘅宅畀日本人占用，從貴公子變咗食咗上餐冇下餐嘅人，淪落到靠朋友接濟。
而從細系富家千金嘅張永成就毫無怨言，開始勤儉持家，同丈夫一齊渡過難關。后尾葉問到香港投靠表姐，因為唔舍得妻兒跟住受罪，所以同妻子商量，等喺香港安頓好就嚟接佢哋，最后葉問就喺香港揾咗個比佢細好幾歲嘅上海女人。
1951年之后，葉問同張永成再都未見過面，張永成都冇再婚，1960年老死喺佛山。而葉問嘅小三唔為大家所認同，葉問嘅弟子都話佢“上海婆”，葉問仲因為佢惹上咗抽鴉片，所以徒弟們都排斥呢個女人。而后尾上海女人生落個細仔，兩個大仔自然都唔認同，葉問嘅晚年咪喺一家人嘅拗撬中度過。
雖然葉問晚年嘅時候，揾咗小三，但喺詠春嘅發展歷史上，佢“一代宗師”嘅名號絕對當之無愧。而二仔葉正都喺推動詠春喺世界各地流傳嘅發展中起到咗至關重要嘅作用。一路走好葉正師傅，你精神會永存于世。
