現年58歲TVB資深綠葉演員曾偉權傳患上肺癌！舊年10月尾曾偉權出席臺慶劇《牛下女高音》宣傳活動嘅時候，現場成個人暴瘦，唔似螢幕上咁般精神。佢接受采訪表示系肺部免疫系統出問題，期間佢不愿多傾，只表示身體幾好，但要多休息同枕住食藥，所以決定減產，之后只會客串演出。
佢話：“如果要拍長劇，我驚要人哋就我。其實我平時生活上講嘢、唱歌都冇問題，都有跑步做運動，但偶然會有咳，對拍戲時嘅呼吸同講野節奏有一定嘅影響。”
有報道指曾偉權疑患肺癌，現時由做妹SaSa貼身照料，有指上個月曾偉權原定同《牛下女高音》拍檔吳岱融、蔣志光、歐瑞偉到吉隆坡出席慈善活動，但有指曾偉權因病而缺席。
首播嘅《法證先鋒Ⅳ》，曾偉權原來有份參演一個重要角色，監制梅小青都有意安排曾偉權同陳煒再續《宮心計2深宮計》太平公主同武攸暨前緣，可惜嘅系開拍后曾偉權覺得身體抱恙辭演，后嚟改為《法證先鋒Ⅳ》其中一個單元嘅角色。
陳煒都回覆媒體稱，曾偉權原定角戲份好重，后來監制梅小青衡量佢嘅身體之后轉為單位角色。對于外界傳出曾偉權嘅病情，煒哥表示唔知情，并祝福曾偉權早日康復。
而家身體轉差嘅曾偉權好彩契妹貼身照顧，為其打理起居飲食，仲有煲滋潤湯水。二人關系匪淺，同居之余所有大時大節都「撐臺腳」同賀。
不過曾偉權多次強調與契妹無發展嘅可能：我呢個年紀感情，唔諗太多。而我哋嘅關系好清晰，我對佢感覺好似妹一樣，佢亦都知。
除咗曾偉權嘅身體健康狀況同與契妹嘅關系備受媒體關心之外，佢同梅小惠當年嘅一段情都再次畀多人提起。
較早前接受媒體訪問時佢坦言對梅小惠倍感歉意，因為浪費咗佢13年時間，曾偉權入行后曾與訓練班同學楊雅潔相戀三年，分手兩年后鐘意同劇組演員梅小惠，兩人拍拖13年后無果，分手收科。
當時曾偉權到馬來西亞發展，與當地女藝人葉麗儀傳出緋聞，結果就同梅小惠散咗，當時更攪出唔少新聞。
畀記者問到佢當時有冇有計劃同梅小惠結婚，佢話：有，但當時嘅諗法系，希望盡量喺事業上做好D、做多D，而佢嘅諗法唔同，希望先有婚姻，兩個人有分歧。
梅小惠近年都有講，情變好小事，但最大遺憾系一生只拍過一次拖。曾偉權聞言笑起嚟：「佢好多人追，佢要識嘅話冇問題。」
提到而家感情仍然空白，曾偉權表示唔強求，兼夾坦承唔識處理愛情關系，唔會專登去尋找同經營。感情生活空白嘅佢將柔情寄予愛犬同愛貓，直言視寵物為伴侶：動物好簡單，你對佢好，佢一定都會對你好。
