據港媒消息報道，現年43歲臺灣著名人氣女星大S（徐熙媛）與老公汪小菲最近飽受爭議，繼較早前嘅口罩風波引發網民熱議之后，12日汪小菲又再畀曝出旗下酒店員工要放無薪大假，如果有員工唔接受，就會即時比炒魷魚。消息一出，連隨又掀起網民熱議。
臺媒方面指，有一名自稱系汪小菲旗下酒店嘅員工，佢同傳媒爆料表示，指公司嘅協議書內容明確提到自2月1號起到3月31日止，每月減少工作日最多7日，大家可以選擇系咪愿意配合，如唔同意嘅員工將會收到遣散通知。
但奇怪嘅系，有部分表示愿意配合公司放無薪大假嘅員工，居然都畀遣散。該名員工直指公司噉嘅行為好影響士氣，更加惹來員工質疑公司當初講嘢說話，惹大家不滿。
對此，汪小菲回應就表示：「我哋喺前（10）日當日再搵員工溝通，畀員工個晏晝去考慮，但其中有4人，第二日先回復，而公司早喺前一晚就已經擬定好留低員工嘅名單，所以嗰4名員工先會畀遣散。」
至於被指強迫員工簽署放無薪大假同意書一事，汪小菲連隨予以否認，佢強調：「我從來冇強迫員工做噉嘅事！」
隨后，佢又喺個人社交平臺發文解釋：「所謂嘅無薪大假系一個月放七日，員工仲有得攞基礎工資，同意嘅員工可以留低，回覆慢或者唔同意嘅員工會資遣，既系要多畀佢哋一個月人工。我哋管理層一定會做員工堅強嘅后盾。」
另外，大S方面就亦有透過經理人公司表示：「大家共度時艱，一齊度過難關。」
