46歲葉蘊儀，狂甩36磅“回春”，10月以一副勝利姿態赴日本拍寫真，為自己最靚moment留倩影。人生走咗一半完成咗一直最想完成嘅藝術作品。
14歲拍人生第一個飲品廣告，葉蘊儀走嘅系清純玉女路線，憑標緻五官，甚至有機會打入當年日本偶像巿場，畀評為最靚香港藝人，一出道，就同當年喺紅遍日本嘅成龍合作。
拍戲、出寫真、唱歌嘅走紅模式，都發生喺葉蘊儀身上。22歲，遇到前夫，佢決定組家庭生兒育女淡出娛圈，做幸福小女。
呢個根深蒂固嘅人生必走模式，佢以前認為系每個女人嘅必經階段。「我哋細個要好好讀書，跟住拍拖搵份滿意工作，然后結婚生仔，做家庭主婦，每個女可能都會畀灌輸噉樣一個成長模式。」佢坦言深受影響。
直至有第三者介入，家庭生活起咗變化，前夫突然間編造兩個人嘅私生活，并喺人前公開。二十七歲葉蘊儀離婚，帶住一對仔女生活，并逐步開始佢藝術事業，間中接拍電視劇，十九年嚟，佢嘅作品，都離唔開女性主義。問佢系咪因為受失婚影響。
葉蘊儀帶出嘅信息系女性自主，佢寫真集系要講畀大家聽，女人嘅身體系屬於自己，尤其佢認為依然系喺男人主導嘅社會。所以，佢唔認為今次嘅寫真「好激好大膽」。
「好多人可能仍停留喺我細個嘅階段，嗰時嘅偶像系一個包裝呀，其實一直以來冇人了解葉蘊儀，而且可能連自己都唔知，可能當時年紀細，我都未揾到自己。」佢講。
