靚魔女翁虹日前搞咗個派對，慶祝自己入行三十周年兼生日，佢一班好友都出現為佢慶祝，其中一張系同胡定欣嘅合照。
系唔系覺得兩人同框嘅畫面有D熟口熟面嘅感覺？胡定欣后尾上載相到社交網站兼親自解釋：「大家重記唔記得《大唐雙龍傳》入面，我師傅翁虹嗎？時間過得太快，戲喺03年拍，之后見過一次到而家，已經14年冇見！今年系師傅入行30周年，佢透過楊怡揾我，請我出席今晚晚宴！”
唉，竟然系通過楊怡聯系到嘅胡定欣，兩個人嘅關系，果然撲朔迷離。
胡定欣仲大贊翁虹天生麗質，美麗動人，簡直似系25歲生日。兩個人年齡相差有13年，不過同框好似睇唔出年齡差。
睇翻翁虹1989年參加亞洲小姐競選冠軍出道時個樣，真系身材樣貌同而家相差無異！真系好會保養喇。
講起畀兩人結緣嘅《大唐雙龍傳》，呢部改編自香港武俠小說嘅古裝玄幻劇，到而家仍是好多人心中嘅經典。
除咗劇情背景龐大復雜，劇度各個主配角演出都系可圈可點，尤其系里面嘅美人兒，好多都系當年TVB嘅后生細花旦，性格鮮明，令人眼前一亮。
例如當年扮女主角李秀寧嘅楊怡，經過《大唐雙龍傳》之后，幾乎套套劇都系主角要角，好快就成為TVB嘅大花旦。
楊怡當年嘅面線條好柔和……
不過最令人驚艷嘅角色，都要數胡定欣嘅婠婠，一個刁蠻任性，又為愛癡狂細妖女，令人又愛又恨，這時胡定欣不過出道一年，有種本色演出嘅感覺。
翁虹喺呢部劇度飾演陰暌派嘅祝玉妍，系劇入面嘅大反派，同時，佢系一個癡情女子，翁虹同胡定欣當時喺劇中飾演嘅系兩兩師徒。
冇諗到咁快，呢部劇已經過去十五年，胡定欣終于喺萬年配角捱到大花旦，而翁虹而家都系事業家庭兩得意，唔知兩人會唔會有再次合作嘅機會呢？
